OK hefur hlotið viðurkenninguna Fyrirmyndarfyrirtæki 2025 hjá VR og erum við stolt af því að vera meðal þeirra fyrirtækja sem skara fram úr að mati starfsfólks. Þetta er fimmta árið í röð sem við fáum þessa vottun – sem er staðfesting á að við skorum hátt í mati starfsfólks á vinnustaðnum.
Í könnuninni leggur starfsfólk mat á níu lykilþætti í vinnuumhverfinu – þar á meðal stjórnun, starfsanda, launakjör, jafnrétti og sveigjanleika. Hver þáttur fær einkunn frá 1 til 5 og saman mynda þær heildareinkunn fyrirtækisins. Að vera í hópi fimmtán efstu fyrirtækja í flokki stórra fyrirtækja er staðfesting á öflugri mannauðsstefnu og menningu sem fólk vill tilheyra.
„Það er okkur mjög mikilvægt að hlusta á starfsfólkið okkar og veita því tækifæri til að blómstra – bæði faglega og persónulega. Við erum ótrúlega stolt af því að fá þessa viðurkenningu enn á ný,“ segir María Dís Gunnarsdóttir, mannauðsstjóri OK.
Við leggjum metnað í að skapa umhverfi þar sem fólki líður vel, nýtur sín og getur vaxið í sínu starfi. Það gleður okkur að fá enn eina staðfestingu þess að við séum að byggja upp vinnustað sem starfsfólkið okkar treystir, metur og vill tilheyra.
