Fastus endurnýjar Alrekstrarsamning

Opin kerfi og Fastus hafa endurnýjað samstarfssamning sinn um heildarrekstur upplýsingakerfa og notendaþjónustu.
Hjá Fastus starfar öflugur hópur starfsfólks með mikla reynslu í sölu, þjónustu, ráðgjöf og hönnun á heilbrigðis- og fyrirtækjamarkaði.
Fastus býður upp á hagkvæmar lausnir frá heimsþekktum framleiðundum hvort sem um ræðir skurðstofu, veitingastað eða mötuneyti.
Fyrirtækið hefur undanfarin tvö ár verið í alrekstri hjá Opnum kerfum og hefur vaxið töluvert á tímabilinu.

„Í mínum huga er lang hagkvæmasta leiðin við rekstur upplýsingakerfa að útvista rekstrinum. Með þessu nær Fastus að sinna sinni kjarnaþekkingu og hefur sérfræðinga í rekstri upplýsingakerfa til að reka miðjubúnað og útstöðvar, veita notendaaðstoð og ráðgjöf fyrir fasta upphæð á mánuði. Ég er einstaklega ánægður með tækniborð Opinna kerfa sem getur yfirtekið tölvur með fjartengingu og veitt starfsmönnum aðstoð þegar þörf er á. Samstarf okkar hefur gengið mjög vel og við endurmat á samningi þá var það niðurstaða mín að halda áfram með núverandi fyrirkomulag og tryggja mér það bakland sem ég hef hjá Opnum kerfum“ segir Arnar Bjarnarson, markaðsstjóri Fastus.