Aukin áhersla á heimilistölvur

Á síðustu mánuðum hafa Opin kerfi lagt aukna áherslu á tölvubúnað til heimilis og einkanota. Það endurspeglast að miklu leyti í breiðu vöruúrvali á heimilisfartölvum og borðtölvum. Um miðjan febrúar er von á næstu sendingu af HP Pavilion og HP Presario tölvum, þá mun úrvalið verða enn meira. Alls er von á 6 mismunandi gerðum fartölva og þrem mismunandi gerðum borðtölva auk skjáa. Það ættu því allir að finna sér tölvubúnað við hæfi hjá Opnum kerfum hvort sem leitað er eftir ákveðnum verðpunktum eða tæknilega útfærðum búnaði.