Breytingar á þjónustuborði Opinna kerfa

Í janúar hófst vinna við metnaðarfullar breytingar á þjónustuborði Opinna kerfa. Þjónustuborð sinnir samningsbundnum viðskiptavinum, tekur á móti verkbeiðnum og kemur þeim í ferli. Þannig njóta viðskiptavinir ávallt framúrskarandi þjónustu og geta treyst á að þörfum þeirra sé sinnt hratt og vel. Breytingarnar sem gerðar voru felast í því að einu þjónustustigi er bætt við. Í stað þess að viðskiptavinur fái aðstoð sérfræðings á staðnum verður nú boðið upp á fjarþjónustu, leið sem eykur viðbragð til muna og tryggir að viðskiptavinir finni að vinna að úrlausn þeirra mála hefjist samstundis. Markmiðið er að tryggja að viðskiptavinir upplifi ánægjuleg og traust samskipti við sérfræðinga Opinna kerfa og fái þannig sín mál í ferli með aðeins einni símhringingu.