Windows 7 uppfærslur

Fjöldi tölvunotenda sótti sér Windows 7 Release Candidate sem nú er að renna út.  Microsoft býður þessum aðilum tvennskonar uppfærslumöguleika á tilboðsverði.

Frá og með 15. febrúar byrjuðu þessir aðilar að sjá skilaboð á tölvum sínum um að RC Betan myndi brátt renna út og minnti þá á að taka afrit af gögnum sínum.

Þann 1. mars mun RC Betan endurræsa sig eða frjósa á tveggja tíma fresti og þann 1. júní mun hún renna út og notendur munu ekki geta ræst stýrikerfið.

Tvennskonar leiðir eru í boði og fara þær eftir því hvort um einstakling eða fyrirtæki sé að ræða:

• Fyrir fyrirtæki eru í boði Open licence rafræn eignarleyfi.Viðskiptavinurinn fær þá sérstakt vefsetur sem heldur utan um viðkomandi Microsoft leyfi og getur sótt hugbúnaðinn þangað.
• Fyrir einstaklinga er ekki hægt að nota Windows 7 Home Premium uppfærsluna til að uppfæra RC en ef viðskiptavinur á Windows XP þá er hægt að nota þá uppfærslu. 

Nánari upplýsingar veita söluráðgjafar Opinna kerfa.